کون کہتا ہے کہ باورچی خانے کی جگہ چھوٹی سی اور روایتی انداز کی ہونی چاہیۓ؟ آپ اپنے باورچی خانے میں موجود ہر ہر انچ کا استعمال کریں۔ اور خاص طور پر اس وقت جب کہ آپ کے پاس جگہ بھی کم ہو۔
اپنے باورچی خانے کو صحیح سے استعمال کرنے کا سب سے اچھا طریقہ یہ ہے کہ آپ اسے اس کی شیپ کے حساب سے استعمال میں لائیں۔ آج ہم آپ کو اس آئیڈیابک میں یہ دکھائیں گے کہ اس طرح کی L شیپ والے باورچی خانے کتنے اہم ہوتے ہیں اور اس کے فائدوں کو کس طرح سے انجواۓ کیا جا سکتا ہے۔ ایک باورچی خانےکو آرامدہ، پرسکون اور پرلطف ہونا چاہیۓ۔ اسی لیے آج ہم آپ کو اس طرح کا باورچی خانہ بنانے کے طریقے بتائیں گے۔
اس سے آپ کی تمام ضروری اشیاء اندر رکھی جا سکتی ہیں اور آپ کو کام کرنے کی زیادہ جگہ مل جاۓ گی۔ اس کے علاوہ اس سے آپ کا باورچی خانے بہت صاف ستھرا اور منظم بھی لگے گا۔ جب آپ کا باورچی خانہ چھوٹا ہو تو اس سے بہتر اور کوئی بات نہیں ہوتی کہ آپ اس کا ہر ہر انچ استعمال کریں۔
اس طرح کے کاؤنٹر ٹوپ نہ صرف آپ کے باورچی خانے کو خوبصورت بنائیں گے بلکہ یہ مٹیریل صاف کرنے میں بھی بہت آسان ہوتا ہے اور گرمائش کو بھی بہت اچھی طرح سے برداشت کر سکتا ہے۔ اس طرح آپ اس کاؤنٹر پر با آسانی گرما گرم برتن اور دیگچیاں رکھ سکتے ہیں۔
آپ کے باورچی خانے میں لگی خوبصورت روشنیں کو تھوڑا تیز ہونا چاہیۓ تاکہ آپ کا باورچی خانے روشن لگے اور آپ کو ادھر کام کرنے میں آسانی بھی ہو۔
باورچی خانے میں دل نہ لگنے کی ایک بڑی وجہ غیر آرامدہ اور کم روشنی ہوتی ہے۔ اس لیے آپ بھی اپنے باورچی خانے کو روشن کریں اور مزے مزے کے کھانے بنائیں۔
آپ کے باورچی خانے میں موجود کھڑکیاں نہ صرف مناسب اور تازہ ہوا کا انتظام کریں گی بلکہ یہ آپ کو قدرتی روشنی بھی فراہم کریں گی۔ ان کی وجہ سے آپ کو دن میں کسی بھی قسم کی مصنوعی روشنی جلانے کی ضرورت بھی نہیں پڑے گی۔
کھڑکیون کا ایک اور فائدہ یہ بھی ہے کہ قدرتی روشنی کی وجہ سے آپ کا پورا باورچی خانہ کھلا اور کشادہ لگے گا۔
آپ اپنے باورچی خانے کے کیبنٹس پر شوخ رنگ کر کے پورے ماحول میں تازگی لا سکتے ہیں۔
آپ یقین نہیں کریں گے کے شوخ رنگوں کا اضافہ پورے ماحول میں کتنی جادوئی تبدیلی لا سکتا ہے۔ گہرے رنگ جیسے کہ لال، نیلا اور بنفشی رنگ پورے ماحول میں جان ڈال دیتے ہیں۔ اور جب آپ ان کو سفید رنگ اور لکڑی کے ساتھ ملا کر استعمال کریں تب تو کیا ہی کہنے ہیں۔
سفید رنگ کا استعمال ہمیشہ سے پورے ماحول میں خوبصورتی اور وضع داری لاتا ہے۔ تو آپ بھی اس خوبصورت رنگ کا استعمال کریں اور ساتھ ہی لکڑی کا فرش اور کیبنٹ لگا لیں۔ اس طرح سے آپ کو ایک بہت ہی جدیداور خوبصورت باورچی خانہ ملے گا۔