کیا آپ اپنا چھوٹا سا باغ، بالکونی یا صحن ڈیزائن کرنے کے لیے تجاویز ڈھونڈ رہے ہیں؟ تو آج ہم نے آپ کے لیے درست مضمون چنا ہے جس میں آپ اپنی عمارت کے لیے ۱۸ تجاویز پائیں گے۔
دراصل کبھی کبھار ڈیزائن چننا خاصا مشکل ہو جاتا ہے خاص کر تب جب جگہ کم ہو۔ مگر اس مضمون میں دی گئی تجاویز کے ساتھ آپ چھوٹی جگہوں کے لیے کچھ تراکیب اور حل ضرور ڈھونڈ لیں گے۔ آپ کا صحن آپ کو آرام و سکون پہنچائے گا۔ آپ اس مضمون میں دیکھیں گے کہ گھر کی بیرونی جگہ کی ترتیب زیادہ مشکل نہیں۔ خاص کر تب جب آپ درست تراکیب چنیں جو آپ کو آپ کے چھوٹے صحن کا مکمل طور پر فائدہ اٹھانے میں مدد دیں۔
کیا آپ بھی اپنے صحن میں کھانا کھانے کے لیے ایک بار کا خواب دیکھتے تھے؟ تو اسے حقیقت میں تبدیل کرنے کا وقت آن پہنچا ہے۔ جی ہاں! یہ چھوٹی جگہ میں بھی ممکن ہے۔ آپ کو ایسی جگہ ڈھونڈنی ہے جہاں بار اور کرسیاں پوری آ جائیں۔ اگر آپ کو بازار میں درست سائز کا بار نہ ملے تو آپ بڑھئی سے خاص اپنے لیے بھی ایک بار بنوا سکتے ہیں۔ آپ دیکھیں گے کہ اس کی وجہ سے آپ کی گرمیاں مزید خوشگوار ہو جائیں گی۔
کچھ پودے لگا کر اور چھوٹے چھوٹے پتھر پھیلا کر نہایت پر کشش جگہ بنائی جا سکتی ہے۔ یہ آپ کے باغ میں نئی روح پھونک دے گا۔
آپ دیوار کے ساتھ ساتھ لمبائی میں پودے لگا کر اپنے چھوٹے صحن کا بڑا فائدہ اٹھا سکتے ہیں۔ اس طرح آپ ہر موسم کے پودے اور سبزیاں لگا سکیں گے۔
اگر آپ کو پورا باغ بنانے میں دلچسپی نہیں تو آپ اس ترکیب پر عمل کر سکتے ہیں۔ کچھ لٹکے ہوئے گملے جگہ کو متاثر کن بنائیں گے۔
جڑی بوٹیاں ہمیشہ اچھی لگتی ہیں۔ نہ صرف ان کی خوشبو اچھی ہوتی ہے اور یہ کھانے کا ذائقہ بڑھاتی ہیں بلکہ یہ دیکھنے میں بھی دلکش معلوم ہوتی ہیں۔ بازار میں ان کے لیے بہت سے گملے دستیاب ہیں جن کی دیکھ بھال آسان ہوتی ہے۔
ایک چھوٹے صحن کو آپ بڑے بڑے کشن رکھ کر اور ایک جھولا لٹکا کر خوشگوار بنا سکتے ہیں۔ یہ گرمیوں کے دنوں میں کسی جنت سے کم نہ ہو گا۔
جگہ چھوٹی ہونے کا یہ مطلب نہیں کہ آپ باربی کیو کی جگہ کی خواہش پر سمجھوتہ کر لیں۔ اس کے برعکس آپ اس کے لیے بالکل درست جگہ ڈھونڈ لیں گے۔ ہر جگہ کے لیے بہت سے انتخابات موجود ہوتے ہیں۔ یہ تجویز بھی گرمیوں کے لیے کارآمد ہے۔
گھر سے باہر سکون سے جھولا جھولیں۔ اگر آپ کو سوفے پر آرام کرنا پسند ہے تو آپ اس تجویز پر عمل کر سکتے ہیں۔
کیا آپ کو مزے دار اور شوخ رنگ پسند ہیں؟ اگر ہاں تو یہ تجویز آپ کے دل کو ضرور بھائے گی۔ یہ شوخ رنگوں، مواد اور ہلکے کپڑے کے سامان کو خوبصورتی سے اکٹھا کرتا ہے۔
صحن کی سجاوٹ کے لیے آپ کا خرچہ کرنا ضروری نہیں۔ آپ پرانے فرنیچر کو دوبارہ استعمال میں لا سکتے ہیں یا ایسا نیا فرنیچر خرید سکتے ہیں جو کم قیمت میں آپ کی پرجیحات پر پورا اترتا ہو۔
کم جگہ کی وجہ سے آپ کو درست فرنیچر ڈھونڈنا ہو گا۔ آپ کو بازار میں ایسا فرنیچر ضرور مل جائے گا جو جگہ کی کمی کا مسئلہ حل کرے۔ جیسا کہ ایسی میز جسے بالکونی کی ریلنگ سے جوڑا جا سکے۔
چھوٹے صحن کو سجانے کا ایک اور طریقہ زمین کو نقلی گھاس سے ڈھک دینا ہے۔ یہ قدرتی ہے تو نہیں مگر قدرتی گھاس جیسا کی پرسکون احساس دے گی۔
اگر آپ سارا فرش مصنوعی گھاس سے نہیں بھرنا چاہتے تو آدھے فرش پر لکڑی لگا دیں۔
یہ رہی آپ کے فرش کے لیے ایک اور تجویز۔ دلکش ٹائلیں آپ کے صحن کو منفرد بنائیں گی اور یہ اپنے حقیقی سائز سے بڑا لگے گا۔
اگر آپ اتنے خوش قسمت ہیں کہ آپ کا صحن گھر کے ایک کمرے کے ساتھ جڑا ہے تو آپ انہیں کسی طریقے سے اکٹھا کر سکتے ہیں۔ جیسا کہ سرکنے والے شیشے کے دروازوں کے ذریعے۔ اس سے بھی جگہ بڑی لگے گی۔
کیا آپ کو یک رنگی سجاوٹ پسند ہے؟ تو آپ اسے اپنے گھر میں بھی لا سکتے ہیں۔ سفید رنگ ایک چھوٹی جگہ کو کشادہ اور روشن بناتا ہے۔
اگر آپ کا گھر شہر کے درمیان میں ہے یا اس کے ارد گرد اور بہت سے گھر موجود ہیں تو آپ ٹیرس کے ارد گرد پودے لگا کر کچھ پرائیوسی حاصل کر سکتے ہیں۔
آخر میں جگہ کی کمی سے نمٹنے کا بہترین راستہ: اونچائی میں پودے لگا کر ایک عمودی باغ بنائیں۔
کیا آپ پودوں کے ساتھ ساتھ پانی سے بھی لگاؤ رکھتے ہیں؟ اگر ہاں تو یہ مضمون آپ کے لیے ہے: گھریلو باغ کے لیے فواروں کے ۱۰ ڈیزائن۔